रुकुम पूर्वमा पहिरोमा परेर एक जनाको मृत्यु, तीन जना घाइते

काठमाडौं– रुकुम पूर्वमा पहिरोमा परी एकजनाको मृत्यु भएको छ । तीन जना घाइते भएका छन् ।

Advertisement

सिस्ने गाउँपालिका–२ दल्लुगैरामा गएराति पहिरो जाँदा गोठमा सुतिरहेका वडा नं १ का कर्णबहादुर बुढाको परिवारका चारजनालाई बगाएकोमा ११ वर्षीय सरगम बुढाको मृत्यु भएको हो ।

जिल्ला प्रहरी कार्यालय रुकुम पूर्वका सूचना अधिकारी एवं प्रहरी निरीक्षक हरिप्रसाद भट्टराईले बालकका बुबा ४० वर्षीय बुढा, आमा ३८ वर्षीया गम्मा बुढा र बहिनी ९ वर्षीया तिलसरा बुढाको अवस्था गम्भीर रहेको जानकारी दिएको छ ।

उनीहरुको उपचारका लागि रुकुमकोटमा उपचार भइरहेको छ ।