तोलामा नौ सय रुपैयाँले घट्यो सुनको भाउ

काठमाडौं– सुनको भाउ आज तोलामा नौ सय रुपैयाँले घटेको छ ।

Advertisement

आज सुन तोलामा एक लाख ४४ हजार एक सय रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ । अस्ति सुनको भाउले अहिलेसम्मकै उच्च रेकर्ड तोलामा १ लाख ४५ हजार ४ सय रुपैयाँ बनाएको थियो ।

त्यस्तै चाँदी भाउ पनि तोलामा पाँच रुपैयाँले घटेको छ । हिजो चाँदीको भाउ तोलामा एक हजार आठ सय ९० रुपैयाँ रहेकोमा आज तोलामा पाँच रुपैयाँले घटेर एक हजार आठ सय ८५ रुपैयाँमा कारोबार भइरहेको महासङ्घले जनाएको छ ।