नेप्से २६ महिनायताकै उच्च विन्दुमा

काठमाडौं– आज नेप्से परिसूचक ७०.१८ अंकले बढेको छ । नेप्से ३.१३ प्रतिशतले बढेर २३१०.५९ विन्दुमा बन्द भएको छ ।

Advertisement

नेप्से परिसूचक २६ महिनायताकै उच्च विन्दुमा पुगेको हो । यसअघि २०७९ वैशाख २९ गते २३५० विन्दुमा नेप्से पुगेको थियो ।

मंगलबार कारोबार रकम गत छ महिनायताकै उच्च रहेको छ । आज नौ अर्ब १३ करोड ८६ लाख २९ हजार रूपैयाँको सेयर कारोबार भएको छ । यसअघि गत माघ ३ गते नौ अर्ब ७६ करोडको सेयर कारोबार भएको थियो ।

मंगलबार २३४ कम्पनीको सेयर मूल्य बढेको छ भने ८ वटाको घटेको छ । आज सिन्धु विकास बैंक, बरुण हाइड्रोपावर, ग्रीन डेभलपमेन्ट बैंक, आँखुखोला जलविद्युत र मन्दाकिनी हाइड्रोपावरको मूल्य १० प्रतिशतले बढेको हो ।