कुकुर मारेको निहुँमा छोराद्वारा बाबुको हत्या

काठमाडौं– नवलपरासी पूर्वमा छोराले ढुंगा प्रहार गरी बाबुको हत्या गरेका छन् ।

Advertisement

आज बिहान सवा ११ बजे कावासोती नगरपालिका–५ ठकुरीचोकमा बुबा–छोराबीच भएको झगडामा छोराले ढुंगा प्रहार गर्दा बुवा ४३ वर्षीय प्रेम कुमालको हत्या भएको हो ।

जिल्ला प्रहरी कार्यालयका डिएसपी बेद पौडेलका अनुसार घरमा पालेको कुकुरलाई पिटेको विषयमा प्रेम र उनका १८ वर्षीय छोरा निराजनबीच झगडा भएको थियो । प्रेमको कुटाईबाट घरमा पालेको कुकुरको मृत्यु भएको थियो ।

सोही विषयमा झगडा हुँदा निराजनले बाबुमाथि ढुंगा प्रहार गरेको डिएसपी पौडेलले बताए । उनका अनुसार ढुंगा टाउकोमा लाग्दा प्रेमको घटनास्थलमै मृत्यु भएको थियो ।

घटनाबारे प्रहरीले थप अनुसन्धान गरिरहेको छ ।