घरमा आएको पाहुनाको हत्या गरेको आरोपमा एक जना पक्राउ

काठमाडौं– घरमा आएका पाहुनालाई खुकुरी प्रहार गरेर हत्या गरेको आरोपमा एकजना पक्राय परेका छन् । सोलुखुम्बुको थुलुङ दूधकोशी गाउँपालिका–२ देविस्थानका ४५ वर्षीय पूर्णबहादुर बस्नेत शनिबार पक्राउ परेका हुन् ।

Advertisement

सोही गाउँपालिका–१ नेले बस्ने आफ्नै भिनाजु ६० वर्षीय सुरेश बस्नेतको हत्या गरेको आरोपमा उनी पक्राउ परेका हुन् ।

पूर्णबहादुरले आफ्नै घरमा पाहुना आएका सुरेशलाई खुकुरी प्रहार गरी हत्या गरेको प्रहरीको भनाइ छ । सुरेशको घटनास्थलमै मृत्यु भएको थियो ।

घटनाको थप अनुसन्धान भइरहेको प्रहरीले जनाएको छ ।