भारतमा ५ महिनादेखि बन्धक बनाइएका नेपालका २८ मजदुरको उद्धार

काठमाडौं– बिचौलियामार्फत रोजगारीको सिलसिलामा भारतको जम्मु कश्मीर पुगेका धनुषा र सिरहाका २८ मजदुरको बन्धक बनाइएको अवस्थामा उद्धार गरिएको छ ।

Advertisement

सिरहाका २१ र धनुषाका ७ जनालाई उद्धार गरी धनुषा ल्याइएको धनुषाका सहाक प्रमुख जिल्ला अधिकारी विष्णु प्रसाद भुसालले बताए ।

सीडीओ भुसालका अनुसार उनीहरुलाई कश्मीरको श्रीनगरमा पाँच महिनादेखि बन्धक बनाइएको थियो । उनीहरुलाई महिला, बालबालिका तथा ज्येष्ठ नागरिक मन्त्रालयका पहलमा भारतीय स्थित नेपाली राजदूतावासको सहयोग तथा किन इण्यिा संस्थाको समन्वयमा नेपाल फर्काएको हो ।

आज जनकपुरमा परिवार मिलन कार्यक्रम गरी जिम्मा लगाइएको छ । उनीहरु ५ महिनादेखि पारिवारिक सम्पर्कमा थिएनन् ।