टिपरको ठक्करबाट पैदलयात्रीको मृत्यु

काठमाडौं– काभ्रेपलाञ्चोकमा मिनि टिपरको ठक्करबाट पैदलयात्रीको मृत्यु भएको छ ।

Advertisement

शुक्रबार राति काभ्रेको धुलिखेल नगरपालिका–३ बाँसघारीस्थित अरनिको राजमार्ग सडकमा बनेपाबाट धुलिखेल जाँदै गरेको बा.प्र. ०१–००४ क ०१३० नम्बरको मिनि टिपरले पैदलयात्रीलाई ठक्करबाट पैदलयात्रीको मृत्यु भएको हो ।

मृत्यु हुनेमा ठेगाना नखुलेका ६५ वर्षीय लालबहादुर तामाङ रहेका छन् । काभ्रे प्रहरीका अनुसार मृतकको गोजीमा भेटिएको स्वास्थ्य सेवा कार्डबाट उनको पहिचान खुलेको हो ।

टिपरचालक महाभारत गाउँपालिका–४ बस्ने ३१ वर्षीय पदम लामा जिल्ला प्रहरी कार्यलयको नियन्त्रणमा रहेको प्रहरीले जनाएको छ ।