सिन्धुलीमा जीप दुर्घटना हुँदा दुई जनाको मृत्यु, ३ जनाको अवस्था गम्भीर

काठमाडौं– सिन्धुलीमा जीप दुर्घटना हुँदा दुई जनाको मृत्यु भएको छ भने पाँच जना घाइते भएका छन् ।

Advertisement

बीपी राजमार्गको सिन्धुलीमाडी खुर्कोट खण्ड अन्तर्गत कमलामाइ नगरपालिका– २ चियाबारी नजिकै बा २० च ८२८३ नम्बरको जीप दुर्घटना हुँदा गोलन्जोर गाउँपालिका– ६ का पृथ्वी भुजेल र उदय मगरको ज्यान गएको हो ।

गोलन्जोर गाउँपालिकाको–६ को हैबार नाकाझोलीबाट सदरमुकाममा तरकारी तथा खाद्यान्न ओसार पसार गर्ने गाडी दुर्घटनामा परेको हो ।

घाइतेमध्ये तीन जनाको अवस्था गम्भीर रहेकाले काठमाडौं पठाइएको जिल्ला प्रहरी कार्यालय सिन्धुलीले जनाएको छ ।