रास्वपाले बोलायो केन्द्रीय समिति बैठक

काठमाडौं– राष्ट्रिय स्वतन्त्र पार्टी (रास्वपा) ले केन्द्रीय समिति बैठक बोलाएको छ । बैठक बुधबार बिहान ८ बजेदेखि पार्टी कार्यालयमा सुरू हुने कार्यवाहक प्रवक्ता मनिष झाले जानकारी दिए ।

Advertisement

बैठकमा राष्ट्रिय भेलाबारे छलफल हुने उनले बताए । भदौ दोस्रो साता गर्न लागेको कर्णाली विशेष अभियानबारे पनि केन्द्रीय समितिमा छलफल हुनेछ । कर्णाली विशेष अभियानबारे पनि यसअघि बसेको केन्द्रीय समिति बैठकले नै निर्णय गरेको हो ।

कर्णाली विशेष अभियानको कार्ययोजना बनाउने जिम्मा सहमहामन्त्री विपीनकुमार आचार्यले पाएका छन् । सबै प्रदेशमा सभापति समेतको उपस्थितीमा कार्यक्रम गर्नेबारे पनि छलफलको कार्यसूची रहेको झाको भनाइ छ ।

यस्तै संगठन निर्माणसम्बन्धी कार्यविधि संशोधन, केन्द्र तथा सातै प्रदेशको बन्द कार्यशालाको प्रतिवेदन र उपलब्धिबारे छलफल गर्ने कार्यसूची छ ।
रास्वपाले केन्द्रीय समितिमा स्थानीय तह निर्वाचनबारे पनि छलफल गर्ने भएको छ ।