हुम्ला दुर्घटना अपडेटः उपचारका क्रममा एकको मृत्यु

काठमाडौं– हुम्ला जिप दुर्घटनामा घाइते भएका एक जनाको ज्यान गएको छ । मुगुको छायाँनाथ रारा नगरपालिका–१ का ३५ वर्षीय रमेश मल्लको उपचारका क्रममा मृत्यु भएको हो ।

Advertisement

मल्लको कर्णाली प्रदेश अस्पताल सुर्खेतमा उपचारका क्रममा मृत्यु भएको जिल्ला प्रहरी कार्यालय सुर्खेतका प्रवक्ता एवम् प्रहरी नायव उपरीक्षक वीरेन्द्र वीर विश्वकर्माले जानकारी दिए । हुम्लाको चङ्खेली गाउँपालिका–२, गर्खाबाट देउली बजारतर्फ गइरहेको कर्णाली प्रदेश २००१ च ०९२२ नम्बरको जिप गौरीसल्लामा दुर्घटनामा परेको थियो । मल्ल उक्त जिपका मालिक हुन् । दुर्घटनामा गम्भीर घाइते भएका रमेश मल्लसहित चार जनालाई बुधवार हेलिकप्टरमार्फत प्रदेश अस्पताल ल्याइएको थियो ।