प्रस्तावित राजदूतको संसदीय सुनुवाइ भदौ १६ देखि हुने

काठमाडौं– संसदीय सुनुवाइ समितिले प्रस्तावित राजदूतहरुको सुनुवाइ भदौ १६ देखि गर्ने भएको छ ।

Advertisement

मंगलबार बसेको समितिको बैठकले प्राप्त उजुरीहरु सांसदहरुलाई वितरण गरेको छ । यी उजुरीहरुमाथि सांसदहरुले अध्ययन गरेपछि भदौ १४ मा उजुरीकर्ताहरुलाई उजुरीको कारण र आधारबारे सोधपुछका लागि बोलाउने निर्णय गरेको समितिको सचिवालयले जनाएको छ ।

उजुरीकर्तासँग छलफल सकिएपछि भदौ १६ देखि प्रस्तावित राजदूतहरुको सुनुवाइ सुरु हुनेछ । भदौ २३ सम्म प्रस्तावित राजदूतहरुको सुनुवाइ सकेर भदौ २४ मा निर्णय सुनाउने कार्यतालिका सुनुवाइ समितिले सार्वजनिक गरेको छ ।

१७ जना प्रस्तावित राजदूतविरुद्ध ९ वटा उजुरी परेको छ । तीन वटा उजुरी समावेशी सिद्धान्त अनुसार नभएको भनेर परेका छन् छन् चार वटा उजुरी व्यक्ति केन्द्रित रहेका छन् ।