बस दुर्घटना हुँदा दुई जनाको मृत्यु, २१ जना घाइते

काठमाडौं– कोहलपुर–नेपालगन्ज सडकखण्ड अन्तर्गत गनापुरमा यात्रुवाहक बस दुर्घटना हुँदा दुई जनाको ज्यान गएको छ ।

Advertisement

दाङबाट नेपालगन्ज आउँदै गरेको भे.१ख २१२८ नम्बरको यात्रुवाहक बस दुर्घटना हुँदा दुर्घटनामा तुलसीपुर उपमहानगरपालिका– ७ पर्सेनीका ६० वर्षीय मानबहादुर वली र तुलसीपुर– ६ बेलवाका २४ वर्षीय सन्तोष भुसालको मृत्यु भएको प्रहरीले जनाएको छ ।

दुर्घटनामा परि घाइते भएका २१ जनालाई उनीहरूको नेपालगन्ज मेडिकल कलेज र भेरी अस्पतालमा उपचारका लागि लगिएको प्रहरीले जनाएको छ ।