सर्पले डस्दा एक युवतीको मृत्यु

काठमाडौं– सिरहामा सर्पले डस्दा एक युवतीको मृत्यु भएको छ । मृत्यु हुनेमा सखुवा नन्कारपट्टी गाउँपालिका– ३ की २० वर्षीया सरिता कुमारी सदा छन् । गएराति सुतेको बेला उनलाई गोमन सर्पले टोकेको थियो ।

Advertisement

सर्पले डसेपछि उपचारमा नलगी झाँक्रीकोमा लगिएको थियो । झारफुकबाट निको नभएपछि अन्तिम अवस्थामा उनलाई लहान प्रादेशिक अस्पतालमा लगिएको थियो ।

चिकित्सकले उनलाई मृत घोषणा गरेका हुन् ।