चीनमा स्कुल बसले किचेर पाँच विद्यार्थीसहित ११ जनाको मृत्यु

एजेन्सी– चीनमा विद्यालयको बसले भिडलाई किच्दा कम्तिमा ११ जनाको मृत्यु भएको छ । यो घटना शान्तोङ प्रान्तको भएको त्यहाँका सरकारी सञ्चार माध्यमलाई उदृत गर्दै बीबीसीले जनाएको छ ।

Advertisement

मर्नेमा पाँच जना विद्यार्थीसमेत रहेको बताइएको छ । अन्य कयौं घाइते भएको र यी मध्ये एक जनाको अवस्था गम्भीर रहेको बताइएको छ । ताइयान शहरको एउटा विद्यालयबाहिर गेटमा उभिरहेका विद्यार्थी र अभिभावकलाई विद्यालयकै बसले किचेको थियो ।

चालकले बसमा नियन्त्रण गुमाउँदा सो दूघर्टना भएको बताइएको छ । चालकलाई प्रहरीले हिरासतमा लिएर यस घटनाबारे छानबिन गरिरहेको छ ।