यी चार प्रदेशमा ठूलो पानी पर्ने सम्भावना

काठमाडौं– मनसुनी वायुको प्रभावले देशभर मौसम आंशिकदेखि साधारणतया बदली रहेको छ ।

Advertisement

कोशी, मधेश र गण्डकी प्रदेशका एक–दुई ठाउँमा अहिले पनि हल्का वर्षा भइरहेको मौसम पूर्वानुमान महाशाखाले जनाएको छ । धेरै ठाउँमा गएराति ठूलो पानी परेको थियो । महाशाखाले कोशी, मधेश, गण्डकी र बागमती प्रदेशका केही ठाउँमा गएराति ठूलो पानी परेको जनाएको छ ।

आज दिउँसो पनि कोशी, मधेश, लुम्बिनी र सुदूरपश्चिम प्रदेशका एक–दुई ठाउँमा ठूलो पानी पर्ने सम्भावना छ । बागमती र गण्डकी प्रदेशका धेरै ठाउँमा भने मेघगर्जन र चट्याङसहित हल्कादेखि मध्यम वर्षाको सम्भावना रहेको मौसमविद् रोजन लामिछानेले बताए ।