चीनको हाइनानमा दशवर्षयताकै शक्तिशाली आँधी

एजेन्सी– चीनको दक्षिणमा रहेको हाइनान एक दशकयताकै शक्तिशाली आँधीबाट प्रभावित भएको छ । बेगसहितको हावा र मुसलधारे पानीले जनजीवन प्रभावित बनाएको छ । चीनको मौसम विभागले शरद ऋतुमा आएको यो सबैभन्दा शक्तिशाली आँधी भएको जनाएको बीबीसीले उल्लेख गरेको छ ।

Advertisement

सुपर टाइफुन ‘यागी’ हिजो स्थानीय समय अनुसार ४ बजे दुई सय २३ किलोमिटर प्रतिघण्टाको दरमा वेनचाङ शहरमा प्रवेश गरेको थियो ।

यो आँधी आउनुअगावै हाइनान टापुका झण्डै चार लाख मानिसलाई सुरक्षित ठाउँमा सारिएको थियो । रेल, डुङ्गा र उडान निलम्बित गरिएको थियो । स्कूलहरू पनि बन्द रहेका थिए ।