मोटरसाइकलको ठक्करबाट पैदल यात्रीको मृत्यु

काठमाडौं– रुपन्देहीको तिलोत्तमा नगरपालिकामा मोटरसाइकलको ठक्करबाट एक जना पैदल यात्रीको मृत्यु भएको छ ।

Advertisement

बुटवल–भैरहवा सडक खण्ड अन्तर्गत तिलोत्तमा १५ कोटिहवास्थित सडकमा हाल नम्बर नखुलेको मोटरसाइकलको ठक्करबाट पैदल यात्री रोहिणी गाउँपालिका– ६ बस्ने ४० वर्षीय सुभावती हरिजनको मृत्यु भएको प्रहरीले जनाएको छ ।

जिल्ला प्रहरी कार्यालय रुपन्देहीका अनुसार बुधवार राति मोटरसाइकलको ठक्करबाट गम्भीर घाइते भएकी हरिजनको मेडिकल कलेज भैरहवामा उपचारको क्रममा आज बिहान मृत्यु भएको हो ।

मोटरसाइकल चालक फरार रहेकाले उनको खोजी भइरहेको प्रहरीले जनाएको छ ।