काठमाडौं उपत्यकासहित देशका धेरै ठाउँको मौसम सफा

काठमाडौं– काठमाडौं उपत्यकासहित देशका धेरै ठाउँमा आज मौसम सफा छ ।

Advertisement

बिहानैदेखि देशका धेरै ठाउँमा घाम लागेको छ । मनसुनी वायुको प्रभावसँगै भारतको उत्तरपूर्वी मध्यप्रदेश र दक्षिण उत्तरप्रदेश आसपास रहेको न्यूनचापीय प्रणालीको आंशिक मात्र प्रभाव रहेकाले देशभर मौसम सफा रहेको जल तथा मौसम पूर्वानुमान महाशाखाले जनाएको छ ।

आज दिउँसो विशेषगरी पश्चिम क्षेत्र लुम्बिनी, कर्णाली र सुदूरपश्चिमका पहाडी केही ठाउँमा पानी पर्ने सम्भावना छ । लुम्बिनी प्रदेशका तराई भागका केही ठाउँमा हावाहुरी पनि चल्न सक्ने सम्भावना रहेको छ ।