रामेछापमा जीप दुर्घटना हुँदा एक जनाको मृत्यु, ६ जना घाइते

काठमाडौं– रामेछापमा जीप दुर्घटना हुँदा एक जनाको ज्यान गएको छ । ६ जना घाइते भएका छन् ।

Advertisement

सदरमुकाम मन्थलीबाट सालुतर्फ गइरहेको बा १८ च १८३९ नम्वरको जीप भदौरेमा दुर्घटना भएको हो ।

दुर्घटनामा मन्थली नगरपालिका–४ की वडा सदस्य पदमाया नेपालीको ज्यान गएको छ । घाइते ६ जनामध्ये गाडी चालक गुणकुमार थापामगर र यात्रु दिलीप बरुवालको अवस्था गम्भीर रहेको प्रहरीले जनाएको छ ।