पहिरोले पुरिएर एक जनाको मृत्यु

काठमाडौं– धादिङको थाक्रे गाउँपालिका-६ महादेवबेशीमा घरमा आएको पहिरो सोर्ने क्रममा एक जनाको ज्यान गएको छ।

Advertisement

तीन दिन देखिको लगातार वर्षाका कारण घरमा आएको पहिरो सोर्ने क्रममा शनिबार बिहान कान्छा राईको मृत्यु भएको जिल्ला प्रहरी कार्यालय धादिङका सुचना अधिकारी प्रल्हाद सिलवालले जानकारी दिए ।

करेसामा भल पस्यो भनेर पन्छाउन लाग्दा घर माथिबाट आएको पहिरोले पुरिँदा मृत्यु भएको सिलवालले बताए । अहिले महादेववेशी र यस क्षेत्रको महेशखोलामा बाढीको बहाव बढेको छ । नदी तटीय क्षेत्रको घरहरु खालि गरिएको प्रहरीको भनाई छ।