बाढी पहिरोमा परि १०२ जनाको मृत्यु, ६७ जना वेपत्ता

काठमाडौं- बाढीपहिरो र डुबानमा परी हालसम्म एक सय दुई जना जनाले ज्यान गुमाएका छन् । त्यस्तै, ६७ जना बेपत्ता भएका छन् भने एक सय एकजना घाइते भएका छन् ।

Advertisement

बाढी पहिरोमा परी ललितपुरमा २०, धादिङमा १७, काठमाडौँमा १२, काभ्रे १०, मकवानपुर सात, सिन्धुपाल्चोक छ जना, सोलुखुम्बु पाँच, पाँचथर पाँच, भक्तपुरमा पाँच जनाले ज्यान गुमाएका छन् ।

गृह मन्त्रालयका अनुसार दोलखामा तीन, सिन्धुलीमा दुई, धनकुटा दुई, महोत्तरी दुई, रामेछाप एक, झापा एक, उदयपुर एक, इलाम एक, सप्तरी एक र नुवाकोटमा एक जनाको मृत्यु भएको छ ।

बाढीपहिरो प्रभावित क्षेत्रमा खोजी र उद्धारका लागि नौ हजार नौ सय ८३ सुरक्षाकर्मी परिचालन गरिएका छन् । हालसम्म तीन हजार ३९ जनाको उद्धार गरिएको छ ।