नुवाकोटमा माइक्रो बस दुर्घटना हुदाँ १२ जना घाइते

काठमाडौं– छहरे–टोखा सडक खण्ड अन्तर्गत नुवाकोटको शिवपुरी गाउँपालिका– ७ मा माइक्रोबस दुर्घटना हुँदा १२ जना घाइते भएका छन् ।

Advertisement

दुर्घटनामा परि घाइते भएका दुईजनाको अवस्था गम्भीर रहेको जिल्ला प्रहरी कार्यालयका नुवाकोटले जानकारी दिएको छ ।ठुलो भिर भए पनि मौवाको रुखमा गाडी अड्किएकाले ठुलो क्षति हुनबाट जोगिएको हो ।

पृथ्वी राजमार्ग कम्पनी प्रालिमार्फत सञ्चालित ग.१ख ४५३५ नम्बरको माइक्रोबस धादिङको विभिन्न स्थानमा गएको पहिरोका कारण काठमाडौंको टोखाबाट नुवाकोट हुँदै धादिङको गल्छी निस्केर पोखरा जाने क्रममा दुर्घटनामा परेको हो ।

काठमाडौंबाट नुवाकोट हुँदै पोखरा जाँदै गरेको माइक्रोबस दिउँसो १ बजे अदुवाबारी मोडमा अनियन्त्रित भई दुर्घटना भएको हो । सडकबाट करिव ५० मिटर तल खसेको हो । माइक्रोबसमा सवार १८ जना मध्ये गम्भीर दुईसहित १२ जनालाई उपचारका लागि काठमाडौं पठाइएको छ ।

प्रहरीका अनुसार दुर्घटनास्थलमा ठुलो भिर भए पनि मौवाको रुखमा गाडी अड्किएकाले ठुलो क्षति हुनबाट जोगिएको छ।