चितवनको टोपेखोलामा गाडीमाथि ढुंगा खस्दा ५ जना घाइते

काठमाडौं- नारायणगढ मुग्लिङ सडकको इच्छाकामना गाउँपालिका–६ टोपेखोलामा ढुंगा खसेर लाग्दा दुई वटा गाडीमा क्षति पुगेको छ ।

Advertisement

खसेको ढुंगाले लाग्दा एउटा सवारीका पाँच जना घाइते भएका छन् । अर्काे सवारीका यात्रुहरु भने सकुसल रहेको जिल्ला प्रशासन कार्यालय चितवनले जानकारी दिएको छ ।

घाइतेमध्ये तीनजनाको अवस्था मध्यम र दुईजनाको अवस्था सामान्य रहेको छ । काठमाडौंबाट बर्दियातर्फ जादै गरेको ना७ख २७४५ नम्बरको बस र काठमाडौंबाट नारायणगढ जादै गरेको बा प्र ०६–००१ ज ०२३६ नम्बरको माइक्रोबसमाथि ढुंगा खसेको हो ।