कार र मोटरसाईकल ठोक्किदा प्रहरी जवानको मृत्यु

काठमाडौं- मोरङको बेलबारी नगरपालिका–८ चिसाङ पुलनजिकै कार र मोटरसाइकल एकआपसमा ठोक्किदा एक जना प्रहरी जवानको ज्यान गएको छ ।

Advertisement

पूर्वबाट पश्चिमतर्फ जादै गरेको प्रदेश १–०२–०४४ प ४९९६ नम्बरको मोटरसाइकल र पश्चिमबाट पूर्वतर्फ जाँदै गरेको प्रदेश ३–०१–०२४ च ०७३४ नम्बरको कार एक आपसमा ठोक्किदा प्रहरी जवान ३२ वर्षीय चित्रसागर राईको मृत्यु भएको जिल्ला प्रहरी कार्यालय मोरङले जानकारी दिएको छ ।

प्रहरीका अनुसार संखुवासभाको सिलिचुङ गाउँपालिका–२ का राई सुनसरीको अस्थायी प्रहरी चौकी नडाहामा कार्यरत थिए । दुर्घटनामा परेर गम्भीर घाइते भएका उनलाई उद्धार गरेर उपचारका लागि विराटनगरको कोशी अस्पताल लगिएको थियो । अस्पताल लगिएपनि पुग्नासाथ चिकित्सकले मृत घोषित गरेका थिए ।