वीपी राजमार्ग अबदेखि साँझ ६ बजेदेखि बिहान ५ बजेसम्म बन्द रहने

काठमाडौं–वीपी राजमार्गमा अबदेखि साँझ ६ बजेदेखि बिहान ५ बजेसम्म सवारी साधन सञ्चालन गर्न नपाइने भएको छ ।

Advertisement

असोज १० देखि १२ गतेसम्म परेको पानीले सडकमा क्षति पु¥याएको थियो । उक्त सडकखण्डमा नयाँ ट्र्याक खोलेर साना सवारी साधन सञ्चालन गरिए पनि साँझ ६ बजेदेखि बिहान ५ बजेसम्म सवारी साधन सञ्चालनमा पूर्ण रूपमा रोक लगाइएको हो ।

भौतिक पूर्वाधार तथा यातायात मन्त्रालयअन्तर्गत सडक विभागको संघीय सडक सुपरिवेक्षण तथा अनुगमन कार्यालय काठमाडौं, सडक डिभिजन खाल्टेले बुधबार सूचना निकालेर साँझ ६ बजेदेखि बिहान ५ बजेसम्म सडक बन्द रहने उल्लेख गरेको हो ।