सङ्कटग्रस्त ७१ वटा स्थानीय तहलाई सरकारले राहत रकम दिने

काठमाडौँ- सरकारले सङ्कटग्रस्त क्षेत्र घोषणा गरिएका ७१ वटा स्थानीय तहलाई राहत रकम उपलब्ध गराउने भएको छ । सिंहदरबारमा आज बसेको विपद् जोखिम न्युनिकरण तथा व्यवस्थापन कार्यकारी समितिको बैठकले सङ्कटग्रस्त घोषणा गरिएका २० जिल्लाका ७१ वटा स्थानीय तहलाई क्षतिको आँकलन अनुरुप राहत रकम वितरण गर्ने निर्णय गरेको हो ।

Advertisement

राष्ट्रिय विपद् जोखिम न्युनिकरण तथा व्यवस्थापन प्राधिकरणका सहसचिव वसन्त अधिकारीले स्थानीय तहलाई क्षति भएको आधारमा तीन क्षेत्रमा वर्गीकरण गरिएको बताए । जस अनुसार बढी क्षतिग्रस्त ९ स्थानीय तहलाई एक करोडका दरले, दोस्रो तहका १२ स्थानीय तहलाई ७५ लाख र तेस्रो तहमा वर्गीकरण भएका ५० स्थानीय तहलाई ५० लाखका दरले राहत रकम उपलब्ध गराउने निर्णय बैठकले गरेको उनले जानकारी दिए ।