५ दिनदेखि वेपत्ता भएका रजमान चौधरी इनारमा मृत भेटिए

काठमाडौं– इनारमा डुबेको अवस्थामा एकजना पुरूष मृत फेला परेका छन् । आइतबार दाङको तुलसीपुर उपमहानगरपालिका-२ कुमलगडी निवासी २९ वर्षीय रजमान चौधरीको शव इनारमा डुबेकाे अवस्थामा फेला परेकाे हो।

Advertisement

आफ्नै घरको इनारमा डुबेको अवस्थामा चौधरी मृत फेला परेको इलाका प्रहरी कार्यालय तुलसीपुरले जानकारी दिएको छ । चौधरीकी भाउजु आँसी चौधरीले इनारबाट पानी तान्ने क्रममा चौधरी डुबेको अवस्थामा देखेपछि प्रहरीलाई खवर गरेकी थिइन् ।

खवर पाए लगत्तै घटनास्थल पुगेर प्रहरीले शव निकालेका थिए । चौधरी ३० कात्तिकदेखि घरबाट निस्केका थिए । त्यसपछि उनी सम्पर्क विहीन थिए । घटना बारेमा थप अनुसन्धान भइरहेको प्रहरीले जनाएको छ ।