२०८१ मंसिर १८, मंगलबार
काठमाडौं– घुम्न गएको बेला चट्टानमा झरेको आईफोन निकाल्न खोज्दा फसेकी एक युवतीको सात घण्टापछि उद्धार गरिएको छ ।
अष्ट्रेलियाको सञ्चारमाध्यम एबीसी न्युक्यास्टलका अनुसार मटिल्डा क्याम्पबेल नामकी युवती झरेको फोन निकाल्न खोज्दा चट्टानमा फसेकी थिइन् । २३ वर्षीय ती युवती साथीहरूसँग घुम्न न्यु साउथ वेल्स हन्टर भ्यालीको चट्टानी भागमा पुगेकी थिइन् । त्यहाँ फोटो खिच्ने क्रममा उनको फोन चट्टानको चेपमा परेको बताइएको छ । फोन निकाल्न खोज्दा उनी चिप्लिएर दुई ठूला चट्टानको बीचमा अड्किएकी थिइन् ।
सार्वजनिक भएका फोटोमा दुई चट्टानको बीच भागमा उनका दुई खाली खुट्टा मात्र देख्न सकिन्छ । अर्थात् युवती उल्टोबाट झुण्डिएर त्यस चट्टानमा फसेकी थिइन् ।
उनलाई त्यहाँबाट उद्धार गर्न झन्डै सात घण्टा लागेको अन्तर्राष्ट्रिय सञ्चारमाध्यम सीएनएनले जनाएको छ । स्थानीय एनएसडब्लू एम्बुलेन्समा आएका उद्धारकर्मीले युवतीलाई सकुशल उद्धार गरेका हुन् ।
उद्धारकर्मीले युवतीलाई त्यहाँबाट निकाल्न झन्डै ५०० किलोका चट्टानलाई सावधानीपूर्वक हटाएका थिए । उनलाई ठूलो चोट नलागेको भए पनि शरीरका केही भाग कोतरिएको बताएको छ ।
महिलालाई उद्धार गर्न सफल भए पनि उनको फोन भने चट्टानमै अड्किएको छ ।
स्रोतहरू खुलाइएका बाहेक नेपालपथ मिडिया नेटवर्क द्वारा प्रकाशित सम्पूर्ण सामग्रीहरू नेपालपथ डट कमका सम्पत्ति हुन् ।
लेखकबाट थप
नेपालपथ नेटवर्क
निलकन्ठ, धादिङ्ग, बागमती प्रदेश
सम्पर्क: ९८४१७१७८१२
स्थायी लेखा नं.: १११८६६३०८
सञ्चार रजिष्ट्रार दर्ता प्र.नं.: ००२३२/०८०/०८१
वेबसाईट: nepalpath.com
| सम्पादक : | अर्जुन श्रेष्ठ |
| सह सम्पादक : | तिर्थमाया तामाङ्ग |
| ब्यबस्थापक : | सविना रंजितकार |
