सल्यानमा ट्रक दुर्घटना हुँदा ४ जनाको मृत्यु

काठमाडौं– सल्यानको कपुरकोट गाउँपालिका–६ सिनबाङ्गमा मिनी ट्रक दुर्घटना हुँदा चार जनाको ज्यान गएको छ । कपुरकोट गाउँपालिका–६ स्थित दुबेदेबाट देबबहादुर बस्नेतको खेतबाट धान र पराल लिएर छापनेटा जाँदै गरेको रा १ ख २४०२ नम्बरको मिनी ट्रक हुदँ चार जनाको ज्यान गएको जिल्ला प्रहरी कार्यालय सल्यानले जानकारी दिएको छ ।

Advertisement

प्रहरीका अनुसार दुर्घटनामा परि मृत्यु हुनेमा २४ वर्षीय चालक मानबहादुर भण्डारी, १४ वर्षिय बालक गोबर्द्धन खडका, १२ वर्षिय डिल्ली भन्ने अनिल भण्डारी र १३ वर्षिय सृजना बस्नेत मृत्यु भएको हो ।

दुर्घटनामा परी गम्भीर घाइते भएकी १३ वर्षीया कखुमा बस्नेत, ३५ वर्षकी नन्दा बस्नेत, ३५ वर्षीय देबबहादुर बस्नेतको नेपालगन्जस्थित नर्सिङ होममा उपचार भइरहेको छ । सञ्जीव बस्नेत, खडका, हिक्मत पुन र गाडीका सहचालक रौनक भण्डारी उपचारपछि घर फर्किएका छन् ।

सडकमा रहेको रुखलाई जोगाउन खोज्दा दुर्घटना भएको हुन सक्ने प्रहरीले जनाएको छ ।