ब्रेक फेल भएर एउटा ट्रकले अर्को ट्रकलाई ठक्कर दिँदा चालकको मृत्यु

काठमाडौं– पाल्पामा एउटा ट्रकले अर्कोलाई ठक्कर दिँदा एक जना चालकको मृत्यु भएको छ ।

Advertisement

गएराति पौने ११ बजे बुटवलबाट पोखरा जाँदै गरेको लु १ ख ९३९१ नम्बरको ट्रकले सोही दिशातर्फ जाँदै गरेको ना १ ख ७१२१ नम्बरको ट्रकलाई सिद्धार्थ राजमार्गस्थित पाल्पाको रम्भा गाउँपालिका–३ अगाहाखोलामा ठक्कर दिएको थियो ।

ठक्कर दिने ट्रकका चालक रम्भा गाउँपालिका–३ का २३ वर्षीय भुवनसिंह रानाको मृत्यु भएको जिल्ला प्रहरी कार्यालय पाल्पाका सूचना अधिकारी डिएसपी सुनिल मल्लले जानकारी दिए ।

अर्को ट्रकका सहचालक स्याङ्जाको वालिङ नगरपालिका–१० का २१ वर्षीय सञ्जित खवास सामान्य घाइते भएका छन् । उनको हातमा चोट लागेको छ । चालक भने सकुशल रहेको प्रहरीले जनाएको छ ।