हात्तीको आक्रमणबाट रौतहटमा एक जनाको मृत्यु

काठमाडौं – रौतहटमा हात्तीको आक्रमणबाट एक जनाको मृत्यु भएको छ । फतुवा–बिजयपुर नगरपालिका–११ बुट्वा–राङी गाउँमा जङ्गली हात्तीको आक्रमणमा परी ७० वर्षीया पातली तामाङको ज्यान गएको प्रहरीले जनाएको छ ।

Advertisement

आफ्नै घरमा सुतिरहेको अवस्थामा उनलार्ई हात्तीले आक्रमण गरेको इलाका प्रहरी कार्यालय बिजयपुरका प्रहरी निरीक्षक इन्द्रमणि अधिकारीले जानकारी दिए । पातलीका श्रीमानले भने भागेर ज्यान बचाएका र घर पूर्णरुपमा क्षति भएको छ ।