दुई हजार आठ सयले घट्यो सुन

काठमाडौं– आज सुनको भाउमा गिरावट आएको छ । तिहार बिदा सकिएर कारोबार भएको पहिलो दिन एकैदिन दुई हजार आठ सय रुपैयाँले घटेको हो ।

Advertisement

आज सुन दुई हजार आठ सय रुपैयाँले घटेर ताेलाकाे एक लाख ६८ हजार दुई सय रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ । तिहारअघि यही कात्तिक १५ गते सुनको भाउ अहिलेसम्मकै उच्च तोलामा एक लाख ७१ हजार रुपैयाँ रहेको थियो ।

यस्तै आज चाँदीको भाउ पनि घटेको छ । आज चाँदीमा ६० रुपैयाँले घटेर ताेलाकाे दुई हजार ३० रुपैयाँमा कारोबार भइरहेको महासङ्घले जनाएको छ ।