त्रिशूलीमा ट्रक खस्दा ३ जना घाइते

काठमाडौं- पृथ्वीराजमार्गअन्तर्गत धादिङको बेनीघाटमा एउटा ट्रक त्रिशूली नदीमा खसेको छ ।

Advertisement

नवलपरासीबाट काठमाडौं आउँदै गरेको लु २ ख २५० नम्बरको ट्रक आज बिहान बेनीघाट रोराङ गाउँपालिका-१० खयरघारीबाट त्रिशूलीमा खसेको जिल्ला प्रहरी कार्यालय धादिङका सुचना अधिकारी एवम् प्रहरी निरीक्षक प्रल्हाद सिलवालले जानकारी दिए ।

उनका अनुसार धादिङ र चितवनको सिमानामा पर्ने हुग्दीखोला नजिकै मंगलबार ट्रक त्रिशुलीमा खसेको हो । दुर्घटनास्थलबाट ट्रक चालक नवलपरासी पश्चिमका २७ वर्षीय आशिष महतो, सहचालक २६ वर्षीय राजु थापामगर र ट्रक धनी खैरहनी नगरपालिका ४६ वर्षीय सुरेश गुरुङलाई प्रहरीले उद्धार गरी उपचारका लागि पठाइएको उनले बताए ।

ट्रक आफैं अनियन्त्रित भई दुर्घटना भएको प्रहरीको भनाइ छ ।