सल्यानटार मेलाको आज तेस्रो दिन, को-को आउँदैछन् कलाकारहरु ?

धादिङ- त्रिपुरासुन्दरी गाउँपालिका–२ सल्यानटारमा जारी दोस्रो सल्यानटार कृषि प्रदर्शनी तथा व्यापार मेलाको आज तेस्रो दिन विभिन्न कलाकारहरुको प्रस्तुति रहने भएको छ।

Advertisement

आज गायिका जानकी तारमी मगर, जादुगर राजेन्द्र गिरी(गुन्द्रुके), एसिकाकै होचो मान्छे मनोज गोर्खाली, गायक सुरेश बिसी ‘अन्जान’, दिलास डान्स ग्रुपका कलाकारहरुसँगै स्थानीय कलाकारहरुको विशेष प्रस्तुति रहने आयोजक हामी सबैको कृषि तथा बहुउद्देश्यीय सहकारी संस्था लिमिटेडका अध्यक्ष सुरेश श्रेष्ठले जानकारी दिएको छ ।

सहकारीको आयोजनामा स्थानिय श्रोतको प्रर्वद्धन गरौं, देश विकासमा टेवा पुुर्याऔं भन्ने मूल मर्मका साथ बुधबारदेखी कृषि प्रदर्शनी तथा व्यापार मेला सुरु भएको हो।

स्थानीय कृषि उपजहरुलाई प्रर्वद्धन तथा बजारीकरणमा टेवा पुर्याउन र मनोरञ्जन र स्थानीय कला संस्कृतिको जगेर्ना गर्ने उद्देश्यले मेला आयोजना गरिएको अध्यक्ष श्रेष्ठले बताए ।

मंसिर १५ गतेसम्म सञ्चालन हुने महोत्सवमा करिव एक लाख जनाले अवलोकन गर्ने अनुमान गरिएको छ । महोत्सव अवलोकन गर्नेको उत्साहपुर्ण सहभागिता रहेको अध्यक्ष श्रेष्ठले जानकारे दिए ।