सल्यानटार मेलामा आज यि कलाकारहरुको प्रस्तुति रहने

धादिङ– त्रिपुरासुन्दरी गाउँपालिका–२ सल्यानटारमा जारी दोस्रो सल्यानटार कृषि प्रदर्शनी तथा व्यापार मेलामा आज पनि स्थानीय तथा राष्टिय कलाकारहरुको बेजोड प्रस्तुति रहने छ ।

Advertisement

मेलाको आज पाँचौ दिन लोक तथा दोहोरी गायक राजु परिवार, सिता श्रेष्ठ र र्यापर डान्सर सहिल त्रिपाठी, दिलास डान्स ग्रुपका कलाकारहरुसँगै स्थानीय कलाकारहरुको विशेष प्रस्तुति रहने आयोजक हामी सबैको कृषि तथा बहुउद्देश्यीय सहकारी संस्था लिमिटेडका अध्यक्ष सुरेश श्रेष्ठले जानकारी दिए ।

सहकारीको आयोजनामा स्थानिय श्रोतको प्रर्वद्धन गरौं, देश विकासमा टेवा पुुर्याऔं भन्ने मूल मर्मका साथ बुधबारदेखी कृषि प्रदर्शनी तथा व्यापार मेला सुरु भएको हो ।

स्थानीय कृषि उपजहरुलाई प्रर्वद्धन तथा बजारीकरणमा टेवा पुर्याउन र मनोरञ्जन र स्थानीय कला संस्कृतिको जगेर्ना गर्ने उद्देश्यले मेला आयोजना गरिएको अध्यक्ष श्रेष्ठले बताए ।

मेलाको अवलोकन गर्न आउनेहरुको उल्लासमय सहभागिता रहेको उनले बताए । मंसिर १५ गतेसम्म सञ्चालन हुने महोत्सवमा करिव एक लाख जनाले अवलोकन गर्ने अनुमान गरिएको छ । महोत्सव अवलोकन गर्नेको उत्साहपुर्ण सहभागिता रहेको अध्यक्ष श्रेष्ठले जानकारे दिए ।