सेयर बजार दोहोरो अंकले बढ्यो, साढे १० अर्बको कारोबार

काठमाडौं– आज सेयर बजार दोहोरो अङ्कले बढेको छ । सेयर बजार परिसूचक नेप्से आज १९ दशमलव ९७ अङ्कले बढेर दुई हजार सात सय ५८ दशमलव शून्य चार विन्दुमा पुगेको छ ।

Advertisement

आज बैंक, विकास बैंक, फाइनान्स र अन्य बाहेक सबै समूहको सेयर बढेकोमा होटल, बीमा, व्यापार समूहको सेयर उच्च अङ्कले उकालो लागेको छ ।

आज तारागाउँ रिजेन्सी होटल, विशाल बजार, खानीखोला हाइड्रोपावर र जोशी हाइड्रोपावर डेभलपमेन्ट कम्पनीको सेयर १० प्रतिशतले बढेको छ । समग्रमा बजार बढेको दिन नेपाल फाइनान्स कम्पनीको सेयर सबैभन्दा धेरै झन्डै आठ प्रतिशतले घटेको छ ।

आज नेप्सेसँगै कारोबार रकम पनि बढेको छ । आज तीन सय १४ वटा कम्पनीका दुई करोड ३० लाख कित्ता सेयर १० अर्ब ५४ करोड रुपैयाँमा किनबेच भएको छ ।