प्रहरीले गोली चलाएर नियन्त्रण गरेको गाडीबाट ६ सय केजी गाँजासहित १ जना पक्राउ

काठमाडौं– धरानमा दुई गाडी गाँजा प्रहरीले नियन्त्रणमा लिएको छ । धनकुटाबाट धरानतर्फ गाँजा बोकेको गाडी नियन्त्रण गर्न खोज्दा चालक भाग्न खोजेपछि प्रहरीले ४ राउण्ड गोली हानेर गाँजा बरामद गरेको हो ।

Advertisement

प्रहरीले सेतो नम्बर प्लेटको गाडीमा रहेको ६ सय केजी गाँजा नियन्त्रणमा लिएको छ । गाँजा ओसारपसार गर्ने एकजना पक्राउ र अर्का एकजना फरार रहेको जिल्ला प्रहरी कार्यालय सुनसरीले जानकारी दिएको छ ।

धनकुटाबाट गाँजा आउँदैछ भन्ने गोप्य सूचना पाएपछि प्रहरी धरानको शिवधारामा गाडी नियन्त्रणमा लिन गएका थिए।