काभ्रेमा सुनसहित २ जना पक्राउ

काठमाडौं– काभ्रेमा सुनसहित प्रहरीले दुई जनालाई पक्राउ परेको छ ।

Advertisement

कारको सिट मुनी प्लाष्टिकको झोलामा लुकाएर राखेको अवस्थामा प्रहरीले सुन फेला पारेको हो । रोशी गाउँपालिका–९ बस्ने ३८ वर्षीय बसन्त लामा र रामेछाप मन्थली नगरपालिका–१ बस्ने २९ वर्षीय अमृत श्रेष्ठलाई पक्राउ गरिएको जिल्ला प्रहरी कार्यालय काभ्रेले जनाएको छ ।

बनेपा नगरपालिका–१३ साँगा चोकबाट सुन ५५८ ग्रामसहित २ जनालाई प्रहरीले पक्राउ गरेको हो । जिल्ला प्रहरी कार्यालय काभ्रेबाट खटिएको प्रहरीले काठमाडौंबाट बनेपातर्फ जाँदै गरेको बीएबी ८६०८ नम्बरको कारलाई जाँच गरेको थियो । त्यसक्रममा कारको सिट मुनी प्लाष्टिकको झोलामा लुकाएर राखेको अवस्थामा सुन फेला परेको प्रहरीले जनाएको छ ।