भारतको तमिलनाडुको अस्पतालमा आगलागी हुँदा एक शिशुसहित ६ जनाको मृत्यु

काठमाडौं– भारतको तमिलनाडुमा एक अस्पतालमा आगलागी हुँदा कम्तीमा ६ जनाको ज्यान गएको छ ।

Advertisement

तमिलनाडुको डिन्डिगुलमा रहेको एक निजी अस्पतालमा गएराति आगलागी हुँदा ६ जनाको ज्यान गएको बीबीसी हिन्दीले जनाएको छ । घटना राति १० बजेतिर भएको थियो ।

समाचार एजेन्सी पीटीआईका अनुसार ज्यान गुमाउनेमध्ये एक जना शिशु पनि छन् । आगलागीको कारण अझै पत्ता लाग्न सकेको छैन । तर शर्ट सर्किट भएर आगलागी भएको आशङ्का गरिएको छ ।