एनपीएल: आज दुई खेल हुँदै, तीन टिमबीच प्लेअफ पुग्ने लडाइँ

  • २०८१ मंसिर २९, शनिबार (३ महिना अघि)
  • १०४ पटक पढिएको
एनपीएल: आज दुई खेल हुँदै, तीन टिमबीच प्लेअफ पुग्ने लडाइँ

काठमाडौं– नेपाल प्रिमियर लिग (एनपीएल) मा शनिबार दुई खेल हुँदैछ। चारमध्ये तीन टिमले आफ्नो महत्त्वपूर्ण खेल खेल्नेछन्।

Advertisement

त्रिवि मैदान कीर्तिपुरमा बिहान ९ बजे पोखरा एभेन्जर्स र काठमाण्डु गुर्खाज भिड्नेछन्। प्लेअफ सम्भावनालाई जीवित राख्न दुवै टोलीका लागि यो खेल महत्त्वपूर्ण हुनेछ।

अंक तालिकामा काठमाण्डु पोखराभन्दा एक स्थान अगाडी छ। पाँच खेलमा तीन हार र दुई जित निकालेका दुवै टिमको समान ४-४ अंक छ।

पोखराविरूद्धको खेलमा जित निकाल्न सके काठमाण्डुको ६ अंक हुनेछ र तालिकाको चौथो स्थानमा रहेको चितवन राइनोजसँग समान अंक बनाउनेछ। उसले अन्तिम खेल विराटनगरसँग खेल्नेछ।

दोस्रो खेलमा चितवन राइनोजले प्लेअफमा पुगिसकेको जनकपुर बोल्ट्सको सामना गर्दैछ। तालिकाको चौथो स्थानमा रहेको चितवनलाई पनि प्लेअफ सम्भावना जीवित राख्न शनिबारको खेल महत्त्वपूर्ण हुनेछ। उसको यो अन्तिम खेल हो।

यद्यपि लिगमा बलियो सावित जनकपुर उसका लागि कम चुनौतीपूर्ण छैन। यो खेलमा चितवन पराजित भए थप एक खेल बाँकी हुने टिम काठमाडौं र पोखरामध्येको एकलाई फाइदा पुग्नेछ।

 

लेखकको बारेमा

  • स्रोतहरू खुलाइएका बाहेक नेपालपथ मिडिया नेटवर्क द्वारा प्रकाशित सम्पूर्ण सामग्रीहरू नेपालपथ डट कमका सम्पत्ति हुन् ।

    लेखकबाट थप
  • तपाइंलाई यो खबर पढेर कस्तो लाग्यो? मन पर्यो
    मन पर्यो खुशी अचम्म उत्साहित दुखी आक्रोशित

    खोजी गर्नुहोस

    ताजा अपडेट