बिरामी बोकेको जिप दुर्घटना हुँदा ३ जनाको मृत्यु

काठमाडौं– बुटवलमा बलेरो जिप दुर्घटना हुँदा तीन जनाको ज्यान गएको छ ।

Advertisement

पूर्वपश्चिम राजमार्गस्थित बुटवलको तिनाउ पुल नजिकै उपचारका लागि बिरामी बोकेको लु २ च २४८० नम्बरको बलेरो जिप दुर्घटना हुँदा तीन जनाको मृत्यु भएको जिल्ला प्रहरी कार्यालय बुटवलले जनाएको छ । प्रहरीका अनुसार दुर्घटनामा परी मृत्यु हुनेहरूमा बुटवल उपमहानगरपालिका–१२ नयाँ गाउँका ७१ वर्षीय तिलकराम खनाल, उनकी श्रीमती ६७ वर्षीया गौरी र जिप चालक ३२ वर्षीय हरि न्यौपानेको मृत्यु भएको हो ।

गौरीलाई एक्कासि दम बढे पछि उपचारका लागि नयाँ गाउँबाट लुम्बिनी प्रादेशिक अस्पताल बुटवलमा लैजाने क्रममा जिप पुलको डिभाइडरमा ठोक्किएर दुर्घटना भएको थियो ।