धादिङ– जिल्लाको सदरमुकाम धादिङबेसीमा आजदेखि खुल्ला फुटसल प्रतियोगिता हुदै छ । ख्रीष्टमस २०२४ को अवसरमा हिमालय सामुदायिक मुक्ति समाज (हिम्स नेपाल), नगर इसाई समाज र महिमा युथ क्लवले संयुक्त आयोजनामा फुटसल प्रतियोगिता हुन लागेको हो ।
ख्रीष्टमसको अवसरमा शुभकामना आदान–प्रदान गर्ने र अन्य संघ संस्थाहरुसँग सम्बन्ध थप सुमधुर बनाउने उद्देश्यले फुटसल प्रतियोगिता आयोजना गरिएको महिमा युथ क्लव धादिङको संयोजक शमुयल तामाङले जानकारी दिए । ‘राष्ट्रका लागि खेलकुद, स्वास्थ्यका लागि खेलकुद भन्ने नारा नै छ । पछिल्लो समयमा त्यति धेरै खेलकुद प्रतिस्पर्धा भएको पाइदैन । खेलप्रेमीहरु साथीहरु तथा खेलाडीहरुलाई यो प्रतियोगिताले हौसला थप्ने विश्वास रहेको छ’ उनले भने ।
१२ टिमले दर्ता गरेको उनले बताए । प्रथम, द्धितिय र तृतिय हुने टिमले क्रमशः २० हजार, १० हजार र ५ हजार नगद, ट्रफी, मेडल र प्रमाणपत्र पाउने छन् । खेल धादिङबेसीमा रहेको धादिङ फुटसलमा हुनेछ ।
मिडिया पार्टनरको रुपमा जिल्लाको पहिलो सामुदायिक रेडियो, रेडियो धादिङ र नेपालपथ डटकम रहेका छन् । पुष ५ गते धादिङ फुटसलमा नै धादिङ इसाई समाजको शुभकामना आदान–प्रदान कार्यक्रम पनि रहेको तामाङले जानकारी दिए ।
अहिले बिहान ९ बजे एक कार्यक्रमका बिच प्रतियोगिताको शुभारम्भ हुने तयारी रहेको धादिङ फुटसलका प्रोपाइटर गोपीकृष्ण भण्डारीले बताए । `धादिङमा फुटबलको महिमा र प्रतिष्ठा जोगाई राख्ने उद्देश्यले खोलिएको फुटसलमा यस्ता प्रतियोगिता भइ रहेका छ्न् । खेलाडी तथा दर्शकले उत्तिकै साथ दिनुभएको छ । फुटसलमा उपस्थित भइ खेल हेरेर खेलाडी साथीहरुलाई थप हौसला प्रदान गरिदिनु हुन सबै दर्शकहरुमा अनुरोध छ’ उनले भने ।
स्रोतहरू खुलाइएका बाहेक नेपालपथ मिडिया नेटवर्क द्वारा प्रकाशित सम्पूर्ण सामग्रीहरू नेपालपथ डट कमका सम्पत्ति हुन् ।
लेखकबाट थप