पृथ्वी राजमार्गः मध्य दिनमा बन्द गरि काम, यात्रुलाई सास्तिको जाम

काठमाडौं– मध्ये दिन पृथ्वी राजमार्ग अन्तर्गत विभिन्न ठाउँमा सडक बन्द गरि सडक विस्तारको काम गर्दा यात्रुहरु समस्यामा परेका छन् । यात्राको क्रममा विच बाटोमा रोकिनु पर्दा कठ्ङ्ग्रिदो जाडोमा बाटोमा लामो समय पर्खन त बाध्य छन् नै गाडी रोकिने स्थानहरुमा पसलहरु समेत नहुदा खान, दिशापिसाब गर्न समेत समस्या परेको यात्रुहरुले गुनासो गरेका छन् ।

Advertisement

धादिङकी अञ्जु श्रेष्ठ भन्छिन्– ‘धादिङबेशीबाट बेनीघाट जादै थिए । सडक बन्द हुन्छ भन्ने नै थाहा थिएन । दुई घण्टादेखि जाममा छु । न अफिस फर्कनु, न फिल्ड पुगेर घर फर्कन भ्याउनु । आजको दिन जाममै बित्ने भयो । रातको समयमा बन्द गरेर काम गरेको भए यात्रुहरुलाई अलि सहज हुने थियो । मध्य दिनमा यात्रुलाई सास्ती भयो । यस्तो आलोकाँचो कामले गर्दा हामी जस्ता हजारौं यात्रुहरुको विचल्लि भएको छ ।’

पोखरा हिडेका मिलन ठकुरी विशालटारको जाममा फसेको बताउँछन् । अनुमानित समय निकालेर गन्तव्यमा हिडेका हुन्छौं । एक्कासी यति लामो समय जाममा परियो । कहिले पुग्ने पोखरा, आजै हुने काम दुइ दिन लाग्ने भयो । सडकको कामले जाम पर्दा हामी बेकामे भयौं’ उनले भने ।

सडक बिहान ११ बजेदेखि दिउँसो २ बजेसम्म बन्द गरी स्तरोन्नतिसहित निर्माणाधीन सडक विस्तार गरिएको हो । घुम्ती लगायत केही स्थानमा पहाड कटान गर्नुपर्ने भएकाले दिनमा सडक बन्द गरि विस्तार गरिएको नागढुङ्गा–मुग्लिन सडक योजना (पूर्वी खण्ड) गजुरीका योजना प्रमुख केशव ओझा बताउँछन् । ‘आजदेखि दैनिक ३ घण्टा सडक बन्द गरिएको छ । पुस १३ गतेसम्म दैनिक बिहान ११ बजेदेखि दिउँसो २ बजेसम्म बन्द हुनेछ’ उनले भने– ‘पहाड काट्नु पर्ने भएकोले जोखिमका कारण रातको समयमा बन्द गरि काम गर्न सक्ने अवस्था छैन । धेरै छलफल गरि यो निर्णय गरेका हौं । विभिन्न सञ्चार माध्यम तथा सम्बन्धित निकायबाट पनि हामीले सूचना प्रवाह गरि रहेका छौं ।’

‘काठमाडौँ आउने जाने सवारी चालकले लेन अनुशासन पालना गरी सवारी चलाउन आग्रह गरेका छौं । बन्द रहने समयमा एम्बुलेन्स, प्रहरीका सवारी र दमकलजस्ता अत्यावश्यक सवारी साधन चल्ने व्यवस्था मिलाइएको छ’ उनले भने– ‘मलेखु–मुग्लिन खण्डको विशालटार क्षेत्र, मझिमटार, बेनीघाट बजार, चरौदी बजारमा रोकिने छन् । नौविसे–मलेखु खण्डको गल्छी बैरनी, जरेखेत, चालिसे, घाटबेशी र नागढुंगा सुरुङ मार्गको सिस्ने खोला क्षेत्रमा रोकिने छन् । भारी सवारी साधन र हल्का सवारीसाधनलाई पनि छुट्टाछुट्टै ठाउँमा रोकिने व्यवस्था रहेको छ ।’

नागढुङ्गा–मुग्लिन सडक योजनाको सूचनाः