धादिङको सांकोषमा अन्तर विद्यालय वडा स्तरीय भलिबल प्रतियोगिता

  • २०८१ पौष ७, आईतबार (३ महिना अघि)
  • ३३२ पटक पढिएको
धादिङको सांकोषमा अन्तर विद्यालय वडा स्तरीय भलिबल प्रतियोगिता

धादिङ– धादिङको नीलकण्ठ नगरपालिका–१२ मा आयोजना भएको भलिबल प्रतियोगितामा पुरुष तर्फ पशुपति माध्यामिक विद्यालय र महिलातर्फ मनरुपी माध्यामिक विद्यालय प्रथम भएका छन् ।

Advertisement

त्यस्तै, पुरुष तर्फ मनरुपी मावि द्धितिय र सांकोष मावि तृतीय भएका छन् । महिला तर्फको खेलमा पशुपति माथि द्धितिय र पन्चकन्या मावि तृतीय भएका छन् ।

स्वास्थ्यका लागि खेलकुद, राष्ट्रका लागि खेलकुद भन्ने मूल मर्मका साथ प्रतियोगिताको आयोजना गरिएको हो । अन्तर विद्यालय वडा स्तरीय प्रतियोगितामा चार वटा विद्यालयका ८ वटा समुहको सहभागिता रहेको थियो ।

सहभागी टिमलाई पशुपति माध्यामिक विद्यालयका विद्यालय व्यवस्थापन समितिका अध्यक्ष जयराम भण्डारीले नगद एक एक हजार प्रोत्साहन स्वरुप ४ हजार दिनुभएको छ । प्रतियोगितामा मनरुपी माविका सुमन गुरुङ उत्कृष्ट खेलाडी र पशुपति माविका योयल तामाङ बेष्ट स्पाईकर बनेका छन् । उत्कृष्ट खेलाडी र बेस्ट स्पाईक दुवै खेलाडीलाई कान्छी किचन युटुव च्यानलले एक/एक हजार रुपियाँले पुरस्कृत गरेका छन् ।

विद्यार्थीलाई अतिरिक्त क्रियाकलाप गराउने र क्षमता अभिवृद्धि गराउने उद्देश्यले भलिबल प्रतियोगिताको आयोजना गरिएको नीलकण्ठ नगरपालिका–१२ का वडा अध्यक्ष धर्मराज भण्डारी(राजकुमार)ले बताए । ‘बालबालिका भोलिका कर्णधार हुन् । उनीहरुलाई हरेक क्षेत्रमा सक्षम बनाउनु पर्छ । विकास निर्माण, स्वास्थ्य, खानेपानी, सडक सञ्जालको क्षेत्रमा जस्तै शैक्षिक क्षेत्र र खेलुकद क्षेत्रमा पनि वडाले विशेष प्राथमिकता दिएको काम गरिरहेको छ’ उनले भने ।

लेखकको बारेमा

  • स्रोतहरू खुलाइएका बाहेक नेपालपथ मिडिया नेटवर्क द्वारा प्रकाशित सम्पूर्ण सामग्रीहरू नेपालपथ डट कमका सम्पत्ति हुन् ।

    लेखकबाट थप
  • तपाइंलाई यो खबर पढेर कस्तो लाग्यो? मन पर्यो
    मन पर्यो खुशी अचम्म उत्साहित दुखी आक्रोशित

    खोजी गर्नुहोस

    ताजा अपडेट