शैक्षिक सामाग्री प्रदर्शनीमा पासाङचोक मावि प्रथम

धादिङ- धादिङको माध्यामिक विद्यालय स्तरीय शैक्षिक सामाग्री प्रदर्शनीमा गंगाजमुना गाउँपालिकाको पासाङचोक माध्यामिक विद्यालय प्रथम भएको छ ।

Advertisement

विद्यार्थीहरुले विद्यालयमा सिकेका सिप र शिक्षालाई मध्यनजर गर्दै कक्षा १० मा अध्यायनरत श्रेया तामाङ र पल्छिन तामाङले बनाएको हाइडोलिक लिफ्ट र स्थानीय पुराना सामाग्री प्रदर्शनी गरेका थिए । धादिङबेसीको नीलकण्ठ माध्यामिक विद्यालयमा भएको प्रदर्शनीमा नीलकण्ठ मावि द्वितिय, महेन्द्र बाराही मावि तृतिय र रानीपौवा मावि सल्यानटार सान्त्वना भएका छन् ।

जिल्लाका १२ गाउँपालिका सहभागी भएको प्रदर्शनीमा पुरस्कृत र सहभागी सबैलाई पुरस्कार र तथा प्रमाण-पत्र प्रदान गरिएको छ ।