|पृथ्वी राजमार्ग अन्तर्गत धादिङको बेनीघाट रोराङ गाउँपालिका–३ सलाङघाटमा एक आपसमा ठोक्किएका कारहरु । तस्विरः अशोक श्रेष्ठ ।
काठमाडौं- पृथ्वी राजमार्ग अन्तर्गत धादिङको बेनीघाट रोराङ गाउँपालिका–३ सलाङघाटमा दुइ वटा कार एक आपसमा ठोक्किदा चार जना घाइते भएका छन् ।
काठमाडौंबाट पोखरा जाँदै गरेको बागमती प्रदेश ०१–०२९ च १३६९ नम्बरको कार र काठमाडौं आउँदै गरेको बागमती प्रदेश ०१–०३० च ४५०९ नम्बरको कार एक आपसमा ठोक्किँदा दुवै कारमा सवार २/२ जना घाइते भएको जिल्ला प्रहरी कार्यालय धादिङका प्रहरी नायव उपरीक्षक सुवास हमालले जानकारी दिए ।
घाइते हुनेहरुमा पोखरा जाँदै गरेको कारमा सवार काठमाडौंको कागेश्वरी मनोहरा नगरपालिका–२ का २६ वर्षीय प्रज्ञान खड्का र २८ वर्षीय प्रमोद खड्का रहेका छन् ।
त्यस्तै, काठमाडौं आउँदै गरेको कारमा सवार रामेछापको खाडादेवी गाउँपालिका–८ की २१ वर्षीया सुनिता बरैली र मकवानपुरको हेटौडा उपमहानगरपालिका–८ की २४ वर्षीया बबिता खनाल घाइते भएका छन् ।
उनीहरू चारै जनाको मलेखुस्थित टिचिङ हस्पिटलमा उपचार भइ रहेको प्रहरीले जनाएको छ।
स्रोतहरू खुलाइएका बाहेक नेपालपथ मिडिया नेटवर्क द्वारा प्रकाशित सम्पूर्ण सामग्रीहरू नेपालपथ डट कमका सम्पत्ति हुन् ।
लेखकबाट थप