धादिङबेसी सह–लगानी खानेपानी आयोजनाः ५० प्रतिशत काम सकियो, असारमै सम्पन्न होला त?

काठमाडौं- धादिङबेसी सह–लगानी खानेपानी तथा सरसफाई आयोजनाको काम २०८२ असार मसान्त भित्र सम्पन्न गर्ने निर्माण कम्पनीले बताएको छ । अहिलेसम्म भौतिक प्रगतिको काम ५३.०५ प्रतिशत सम्पन्न भएको र वित्तीय प्रगति ४९.३९ प्रतिशत सम्पन्न भएको सगुन कन्स्ट्रक्सन एण्ड इन्जिनियरिङ प्रा.लि.का प्रवन्धक निर्देशक सहदेव खड्काले बताए ।

Advertisement

असार मसान्तसम्म काम नसकिए भुक्तानी समेत रोकिने नीलकण्ठ नगर प्रमुख भीम प्रसाद ढुंगानाले बताए । खानेपानी गौरवको आयोजना हो । काम दु्रत गतिमा गर्नस् । ‘केही बाधा अड्चन आए भन्नस् । तर काम असार मसान्त भित्र काम सम्पन्न हुनुपर्छ’ उनले भने–‘असारसम्म काम सम्पन्न भएन भने भुक्तानी मात्र रोकिने छैन । कम्पनी कालो सुचिमा पर्नेछ ।’

आयोजना सह–लगानी कोषको ७० प्रतिशत र स्थानीय सहभागीता ३० प्रतिशत हुने गरी काम भईरहेको छ । आयोजनालाई कसरी छिटो सम्पन्न गर्ने भन्ने विषयमा नीलकण्ठ नगरपालिकामा छलफल गरिएको हो । छलफल कार्यक्रमा नगर प्रमुख भीम प्रसाद ढुंगाना, नगर उप प्रमुख दिपक विश्वकर्मा, प्रमुख प्रशासकीय अधिकृत पुरुषोत्तम सुवेदी, संघीय खानेपानी तथा ढल व्यवस्थापन आयोजना चितवनका प्रमुख सुन्दर सुवेदी, संघीय खानेपानी तथा ढल व्यवस्थापन आयोजनाका इन्जिनियरहरु प्रदिप रेग्मी, अमृत भण्डारी, सगुन कन्स्ट्रक्सन एण्ड इन्जिनियरिङ प्रा.लि.का प्रवन्धक निर्देशक सहदेव खड्का र निर्माण पक्ष कम्पनीका इन्जिनियहरुले आ–आफ्ने धारणा राखेका थिए ।

संघीय खानेपानी तथा ढल व्यवस्थापन आयोजनाको सबै भन्दा ठूलो आयोजना हो । विविध कारणले समस्या देखिएकोले ढिलाई भएको हो । कामदार थप्ने र काम चाँडै सक्ने गरी गर्ने उनीहरुको भनाई छ । खानेपानी कार्यालयका भवन, प्रसारण पाईप लाईन, वितरण पाईपलाईन अन्तिम चरणमा पुगेको छ । अल्छिडाँडा, अधिकारी डाँडा, राम्चे, डाँडागाउँ, भानुपार्क र भुलभुलेको काम पनि अन्तिम चरणमा पुगेको उनीहरुले बताएका छन् । खानेपानीको प्रशोधन केन्द्रको निर्माणको काम भने सुरु हुन सकेको छैन ।

धादिङबेसी सह–लगानी खानेपानी तथा सरसफाई आयोजनाबाट नीलकण्ठ नगरपालिकाको वडा नम्बर २,३,४ र १२ का नागरिकहरु लाभान्वित हुनेछन् । उक्त खानेपानी आयोजनाको काम सम्पन्न भएपछि धादिङबेसीको खानेपानीको समस्या समाधान हुने र बैज्ञानिक तथा आधुनिक तरिकाबाट उत्कृष्ट खानेपानी वितरण स्थापना गर्ने गरी बजार क्षेत्रको खानेपानी पाईप लाईन विस्तार भईरहेको स्थानीयको नगरपालिकाले जनाएको छ ।