२०८१ चैत्र २२, शुक्रबार
काठमाडौं– रवि–ज्वाला क्रियाशिल पत्रकारिता पुरस्कार २०८१ बाट नारायण सिलवाल सम्मानित भएका छन् । प्रेस सेन्टरले स्थापना गरेको रवि–ज्वाला क्रियाशिल पत्रकारिता पुरस्कारबाट सिलवाल सम्मानित भएका हुन् ।
प्रेस सेन्टरले रवि–ज्वाला क्रियाशिल पत्रकारिता पुरस्कार यसै वर्षबाट सुरु गरेको हो । चौथो जिल्ला सम्मेलनको अवसर पारेर सुरु गरिएको पुरस्कार १० हजार राशीको रहेको छ । नगद १० हजारसहित सिलवाललाई सम्मान गरिएको छ ।
२०६१ सालदेखि पत्रकारिता क्षेत्रमा सिलवाल क्रियाशिल छन् । उनले केही वर्ष गोरखापत्रमा काम गरे । अहिले उनी धादिङ पोष्टका प्रधान सम्पादक हुन् । राष्ट्रिय फोटो पत्रकार संघको केन्द्रीय उपाध्यक्ष, प्रेस सेन्टरको केन्द्रीय सदस्य एवम् धादिङ इन्चार्जको जिम्मेवारीमा छन् ।
धादिङको नीलकण्ठ नगरपालिका स्थित खाल्टेका डम्बर बहादुर श्रेष्ठ (ज्वाला) र नुवाकोटका रवि बोगटी (अनन्त)ले संकटकालमा आँखु संदेश पत्रिका निकाल्ने गरेका थिए । जनयुद्धलाई लिपिवद्ध गर्ने गरि तत्कालिन नेकपा माओवादीले धादिङको किचेतबाट पत्रिका निकाल्ने गर्दथे । तर धादिङको सत्यदेवीमा उनीहरुको ज्यान गयो । ज्वाला र रविको स्वर्गारोहणपछि धादिङका नारायण सिलवाल र गोर्खाका राज श्रेष्ठले पत्रिका निकाल्ले जिम्मेवारी सम्हालेका थिए ।
उनीहरुको स्मरण र पत्रकारिता क्षेत्रमा उनीहरुले पुर्याएको योगदानको उच्च कदर तथा सम्मानका साथ प्रेस सेन्टर धादिङले रवि–ज्वाला क्रियाशिल पत्रकारिता पुरस्कार स्थापना गरेको निवर्तमान अध्यक्ष राजन अधिकारले बताए ।
स्रोतहरू खुलाइएका बाहेक नेपालपथ मिडिया नेटवर्क द्वारा प्रकाशित सम्पूर्ण सामग्रीहरू नेपालपथ डट कमका सम्पत्ति हुन् ।
लेखकबाट थप
नेपालपथ नेटवर्क
निलकन्ठ, धादिङ्ग, बागमती प्रदेश
सम्पर्क: ९८४१७१७८१२
स्थायी लेखा नं.: १११८६६३०८
सञ्चार रजिष्ट्रार दर्ता प्र.नं.: ००२३२/०८०/०८१
वेबसाईट: nepalpath.com
| सम्पादक : | अर्जुन श्रेष्ठ |
| सह सम्पादक : | तिर्थमाया तामाङ्ग |
| ब्यबस्थापक : | सविना रंजितकार |
