एमडीआरटी रोजिनाको अकल्पनीय सफलता

काठमाडौं– कलिलै उमेरमा विवाह भयो । परिवार बुझ्न नसक्ने उमेरमा देश अनुसार भेष बुझेर अगाडी बढ्न निकै चुनौति खडा पर्यो । विवाह पश्चात श्रीमानको सपोर्ट भएपनि पारिवारिक जिम्मेवारीले थिचेपछि पढाई समेत निरन्तरता दिन सकिनन् । सरकारी जागीर खाएर देश र जनताको सेवा गर्ने उनको सपना पनि अधुरै रह्यो । तर अहिले एमडीआरटी जस्तो ठूलो सफलता उनले हात पारिन् । उनी भन्छिन्– ‘परिवारको साथ, सहयोग त्यो हरियार हो, जसले सफलता जित्न सक्छ । अभाव र समस्याको भूमरीमा पनि एमडीआरटी जस्तो सफलताको कारण मेरो परिवार हो ।’

Advertisement

आईएमई लाइफ इनस्योरेन्स कम्पनी नुवाकोट शाखामा कार्यरत एजेन्सी म्यानेजर रोजिना घले सन् २०२५ को लागि मिलियन डलर राउण्ड टेबल (एमडीआरटी) बन्न सफल भएकी हुन् । २०८० असारबाट आईएमई लाइफमा प्रवेश गरेकी उनले डेढ बर्षको लगातार प्रयासपछि एमडीआरटीको लक्ष्य हासिल गरी नुवाकोटबाट पहिलो महिला एमडीआरटी बनेकी हुन् ।

रोजिना नुवाकोट जिल्लाको वागेश्वरी मस्याङ भञ्ज्याङमा २०४९ सालमा जन्मिएकी हुन् । बुबा बुद्धीबहादुर गुरुङ र आमामायाँदेबी गुरुङको कोखबाट चौथो सन्तानको रुपमा जन्मिएकी उनको एमडीआरटी बनेपछि अहिले चारैतिर उनको चर्चा छ ।

पढ्दा पढ्दै कलिलो उमेरमा विवाह वन्धनमा बांधिएकी रोजिना विद्यार्थी जिवनमा खेलकुद तथा अतिरिक्त क्रियाकलापमा समेत निकै अब्बल थिईन । सरल र मिलनसार स्वभावकी रोजिना सानै देखी कसैसंग नझुक्ने हक्की स्वभावकी थिईन् । निडर अनि दृढ संकल्प लिएर मेहनतमा विश्वास गर्ने रोजिना सामाजिक क्षेत्रमा समेत सक्रिय छिन् ।

रोजिनाले २०७८ सालमा नन्द सगुन गुरुङसंग मिलेर बिमा अभियान सुरु गरेकी थिइन् । तर कक्षा ८ मात्र पढेकी रोजिनाले अभिकर्ता ईजाजत पत्र लिन पाइनन् । अभिकर्ता बन्ने हुटहुटीकै कारण उनले २०७९ सालमा रसुवा जिल्लाबाट प्राईभेट एसईई परिक्षा दिएर राम्रो अंकका साथ एसइई समेत पास गरिन् । आईएमई लाईफ ईन्स्योरेन्स कम्पनी माफर्त अभिकर्ता ईजाजतपत्र लिएर काम गर्न थालिन् ।

अभिकर्ताको ईजाजत पत्र लिएको महिना नै उनले अभिकर्तावाट एजेन्सी मेनेजरको रूपमा आफूलाई स्थापित गरिन् । उनको मेहनत र लगाव देखेर कम्पनीले अतिरिक्त सुविधा प्रदान गर्यो । जसले घर परिवार चलाउन र बालबच्चाको शिक्षादिक्षामा समेत सहजता थप्यो ।

माउन्ट मनास्लु लिडर्स क्लवका सदस्य समेत रहेकी उनले विभिन्न क्षेत्रीय कार्यक्रममा सहभागी तथा सम्मानित भएकी छिन् । होटल सोल्टीमा भएको राष्ट्रिय स्तरको कार्यक्रमबाट समेत उनी सम्मानित भइन् । नाम, दाम र सम्मान एकै साथ कमाउने व्यवसाय बिमा भएको उनको ठम्याई छ । आफ्नो सफलताको कडी सुनाउँदै उनी भन्छिन्– ‘इच्छा शक्तिलाई केहीले छेक्दैन । मेरो सफलता एउटा उदाहरण हो भन्ने लाग्छ ।’

‘जीवनमा कहाली लाग्दा दुःख भोगेर यो सफलता हात परेको हो । ठूलो संघर्षको पछाडी र विगतका वेदना लुकाउने यो सफलता एमडीआरटी हो’ उनले भनिन्– ‘विमामै लागेर खुसी भएको छु । सामाजिक कार्य गर्दै अझै २०२६ मा पनि यो सफलता हात पार्नेछु । अनि थुप्रै देश भ्रमण गर्ने र सिक्ने छु । आमा, श्रीमान, परिवार अनि साथीभाई यो सफलताको हकदार हुन् । आईएमई लाइफ इनस्योरेन्स कम्पनी र साथ सहयोग दिने सबैप्रति आभारी छु । सुख होस्वा दुःख साथमा विमा, अनि विमा सुरक्षा र सफलताको कडी हो ।’