माघे संक्रान्ति पर्व मनाइँदै

काठमाडौँ– माघे संक्रान्ति पर्व देशभर मनाउँदै छ ।

Advertisement

सूर्य धनु राशिबाट मकर राशिमा प्रवेश गर्ने हुदाँ माघ १ गतेलाई मकर (माघे) संक्रान्ति भनिन्छ । बिहानै तीर्थस्थलमा गई स्नान गरेर तिल दान गर्नाले सुन दान गरेसरहको पुण्य प्राप्त हुने धार्मिक विश्वास रहि आएको छ । धर्मसिन्धुमा माघे संक्रान्तिका दिन घ्यू, चाकु, तिलका परिकार, खिचडी खाने, दान गर्ने, जलाशयमा गई स्नान गर्ने, ध्यान गर्दा निरोगी हुने विश्वास रहेको छ ।

उत्तरायण सुरु हुने दिनको स्नान, जप, तप, ध्यान साधना, दान आदिलाई पुण्य दायक मानिन्छ । आज देवघाट, त्रिशूली, कालीगण्डकी, वाग्मती, इन्द्रावती, त्रिवेणी, रिडीलगायत स्थानमा माघ स्नान गर्ने भक्तजनको घुइँचो लाग्दछ । विशेष मेलासमेत लाग्ने गर्दछ ।

तरुल, सखरखण्ड, पिँडालु, वनतरुलजस्ता कन्दमूलको सेवन गरिने गरिन्छ । धादिङ, नुवाकोट लगायतका जिल्लाहरुमा माघे संक्रान्ति पर्वको अवसर पारेर गोरु जुधाई तथा विविध सांस्कृतिक कार्यक्रम गरि मनाइन्छ ।